百 彈 齋

Details 唔講住，因為條氣重係頂住，真係 !@#$%^&*

我小！！！

一年了，希望你在另外一個世界，活得開心快樂，有機會繼續遨遊各處的明山大川，也要保佑你的家人摯愛。

順道跟你說，你的毅行隊友們，今年成績非常好！ 大家都很懷念你。

2012? 2017? 2020?

我以前很緊張，依家已經完全唔 care, 不聞不問，關我能事？

我係加拿大人。

能這樣想，我知道我終於 come to my senses 了，反正人類冇希望，human beings as a species is beyond redemption, 講多哂氣。

42 年，同一地方，同一首歌； 相信當中可能有跨越半個世紀的「同一個人」。

1965 年：http://www.youtube.com/watch?v=6MdtamF36Oo

2007 年：http://www.youtube.com/watch?v=l18UUewO0Q

（1:35 開始）

說真的，唱「國際歌」要看歌詞（主唱及和唱都是），中國真的變了。

朱門酒肉臭

路線︰中環（環球大廈）> 花園道 > 寶雲道 4K > 黃泥涌峽道 > 陽明山莊 > 大潭水塘 > 大風坳 > 鰂魚涌散隊
距離︰約 14 公里

今日可能係出國長期公幹前最後一次練跑，特登在寶雲道跑快 d, 不過都係唔夠喪跑傑快，希望在國外專心特訓後可以平路快過佢啦，唔知有冇可能跑到 1:29 嘅半馬呢？

上大風坳全程都同 Rainman 一齊行回下氣，之後用以我個人來說超快的速度跑下山，超爽！ 希望練到腳密 d 輕 d, 唔使次次落斜輸比人。

Morning has broken - Cat Stevens (aka Yusuf Islam) 經典歌曲，聽幾多次都係咁優美。

唔講係毅行操練，因為工作關係，今個 Summer 可能要係外地渡過，冇得操！

不在壯態之下，上親樓梯就死，行幾級就要停。 今日天氣可以接受，有 1/3 到一半時間有雲，除左樓梯唔掂，其它勉強 okay, 上到大冒山頂時間都可以接受，點知跟住跑落山竟然老抽，要行下跑下，比個呀嬋，呀唔係，中年女跑手先真，比佢跑過左我而我豪無反抗能力，任人魚肉！ 頂！ 慢唔緊要，最憎想跑唔跑得！ 毅行呢過遊戲，跑得慢唔緊要，但唔跑得要行就大檸樂。

結果 30 分鐘先落到荃錦凹，全程 3 小時 50 分。 沿途見到老婆大人，Peter 大哥及在荃錦凹見到細強，佢就勁啦，琴日跑穫金，今日又黎，重要跑埋 9 and 10 段添！ 有目標果然係有動力 d! 重有果個女子原來係 「X X 人」嘅女中豪傑，算！

講開講，起步見到「X 行」上年女子冠軍其中兩個，佢地應該係獅子亭過黎，結果我都 hold off 到佢地，快佢地 15 到 20 分鐘到荃錦凹，算係安慰下自己。

Team S26 我會全力支持你地！ 點解唔係玩都報埋 d 咁慢嘅時間上黎？ 驚你地嚴我慢，唔收我做 support…..

P.S.: 個肚腩真係好鬼麻煩，唔 cut 鬼左佢都好難跑得快！

當然有好多，隨便揀幾首。

龍的傳人 — 1978 年，候得健的歌詞，震撼年少的我，徘迴腦海 30 年。 但我祇喜歡由李建復主唱的原裝正版，有種滄桑的味道，感覺上代表著兩岸三地的中國人，還在尋找出路的感覺。 之後的王力宏版，簡直是 sacrilegious. ­候得健和李建復合唱 Youtube 版。

一生有意義 — 人生匆匆、心里有爱，一世有了意義。 我的最愛當然是老婆仔啦！

國際歌 — 不要說我們一無所有，我們要做天下的主人！ 中共版，Rock 版。

明天會更好 — 誰能不顧自己的家園，拋開記憶中的童年？ 在北美二十年，時常思前想後的問題。

童年 — 總是要等到考試以後，才知道該念的書都沒有念；一天又一天，一年又一年，迷迷糊糊的童年。（真是貼切的寫照！）

O Canada — God keep our land, glorious and free! 好優美的動畫版。

上個週末冇操練，因為星期日一起身發覺病左，直到今日先可以跑翻。

路線：跑馬地起步 > 寶雲道 4k > 蒲魯賢徑 > 梅道 > 香雪道 > 已連拿利 > 干德道 > 大學道 > 經大學停車場出 > 薄扶林道 > 石排灣道 > 香港仔大道 > 香港仔運動場 > 香港仔隧道口巴士站

約 18km, 時間 1:58 一條友跑

感冒初癒，cut 左摩星嶺道和域多利道果段，但去到香港仔市中心 hit the wall, 唔想咁搏，冇買野食，取消南風道果程，勉強好慢去到隧道口收工。